На сугубой ектении были вознесены особые прошения и прочитана молитва о Святой Руси. Богослужебные песнопения исполнил хор под управлением Сергея Михалкина.
По окончании богослужения было совершено славление Сызранским святым, далее протоиерей Михаил обратился к прихожанам с проповедью, озвучив жития угодников Божиих за веру Христову в Сызрани пострадавших.
______
Тропарь, глас 3:
Це́ркве Ру́сския столпы непоколеби́мыя, / благоче́стия пра́вило, / жития́ ева́нгельского о́бразе, / священному́ченицы Августине и Борисе, преподобномучениче Нифонте и мучениче Александре, / Христа́ ра́ди пострада́вшия да́же до кро́ве, / Его́же моли́те усе́рдно, / я́ко Нача́льника и Соверши́теля спасе́ния, / Русь Святу́ю утверди́ти в Правосла́вии // до сконча́ния ве́ка.
Кондак, глас 2:
Восхва́лим ве́рнии, / изря́дных новомучеников земли Сызранския/ Правосла́вия побо́рников и благоче́стия ревни́телей, / земли́ Ру́сския кра́сное прозябе́ние, / и́же страда́нием Небе́с дости́же / и та́мо те́пле мо́лите Христа́ Бо́га // спасти́ся душа́м на́шым.
Молитва
О избра́нницы и уго́дницы Христо́вы, священному́ченицы Августине и Борисе, преподобномучениче Нифонте и мучениче Александре, Це́ркве Ру́сския столпы непоколеби́мыя, земли́ Сызраския благо́е прозябе́ние и кра́сный плод, сро́дников ваших предста́телие и наста́вницы! Вы во вре́мя гоне́ния безбо́жнаго от сокро́вищниц душ ваших спаси́тельное испове́дание Правосла́вныя ве́ры изнесли есте, и лю́дем ве́рным наставницы до́брыя яви́лися есте, ду́ши ваша за Христа́ и Его́ о́вцы полага́я и лю́тыя во́лки дале́че отгоня́я. Ны́не у́бо при́зрите на нас, недосто́йных чад ваших, умиле́нною душе́ю и сокруше́нным се́рдцем вас призыва́ющих. Умоли́те Го́спода Бо́га, да прости́т согреше́ния на́ша и изба́вит от а́довых уз и ве́чнаго муче́ния. Утверди́те нас в ве́ре святе́й, научи́те нас всегда́ твори́ти во́лю Бо́жию и храни́ти за́поведи церко́вныя. Бу́дите па́стырем на́шым - пра́вило ве́ры, во́ином - вожди духо́вныя, боля́щим - целебницы изря́дныя, печа́льным - утешителие, гони́мым - засту́пницы, ю́ным - наста́вницы, всем же благосе́рдыя и те́плыя моли́твенницы. Я́ко да моли́твами вашими соблюде́ся в Правосла́вии Свята́я Русь и град наш Сызрань и непреста́нно сла́вится в ней и́мя Пресвяты́я Тро́ицы, Отца́, и Сы́на, и Свята́го Ду́ха, во ве́ки веко́в. Ами́нь.
Величание
Велича́ем вас, / новомученицы земли Сызранския, / и чтим честна́я страда́ния ваша, / я́же за Христа́ / во утвержде́ние на Руси́ Правосла́вия // претерпе́ли есте.